ξη. 26
[σεξτ. 1]
Πᾶν ἁμάρτημα μάχην περιέχει. ἐπεὶ γὰρ ὁ ἁμαρτάνων οὐ θέλει ἁμαρτάνειν, ἀλλὰ κατορθῶσαι, δῆλον
ὅτι ὃ μὲν θέλει οὐ ποιεῖ.
[σεξτ. 2]
τί γὰρ ὁ κλέπτης θέλει πρᾶξαι; τὸ αὑτῷ συμφέρον. οὐκ οὖν, εἰ ἀσύμφορόν ἐστιν
αὐτῷ τὸ κλέπτειν, ὃ μὲν θέλει ποιεῖ.
[σεξτ. 3]
πᾶσα δὲ ψυχὴ
λογικὴ φύσει διαβέβληται πρὸς μάχην: καὶ μέχρι μὲν
ἂν μὴ παρακολουθῇ τούτῳ, ὅτι ἐν μάχῃ ἐστίν, οὐδὲν
κωλύεται τὰ μαχόμενα ποιεῖν: παρακολουθήσαντα δὲ
πολλὴ ἀνάγκη ἀποστῆναι τῆς μάχης καὶ φυγεῖν οὕτως
ὡς καὶ ἀπὸ τοῦ ψεύδους ἀνανεῦσαι πικρὰ ἀνάγκη τῷ
αἰσθανομένῳ, ὅτι ψεῦδός ἐστιν: μέχρι δὲ τοῦτο μὴ φαντάζηται, ὡς ἀληθεῖ ἐπινεύει αὐτῷ.
[σεξτ. 4]
δεινὸς οὖν ἐν λόγῳ,
ὁ δ' αὐτὸς καὶ προτρεπτικὸς καὶ ἐλεγκτικὸς οὗτος ὁ δυνάμενος ἑκάστῳ παραδεῖξαι τὴν <μάχην>, καθ' ἣν ἁμαρτάνει, καὶ σαφῶς παραστῆσαι, πῶς ὃ θέλει οὐ ποιεῖ καὶ
ὃ μὴ θέλει ποιεῖ.
[σεξτ. 5]
ἂν γὰρ τοῦτο δείξῃ τις, αὐτὸς ἀφ'
αὑτοῦ ἀναποχωρήσει. μέχρι δὲ μὴ δεικνύῃς, μὴ θαύμαζε, εἰ ἐπιμένει: κατορθώματος γὰρ φαντασίαν λαμβάνων ποιεῖ αὐτό.
[σεξτ. 6]
διὰ τοῦτο καὶ Σωκράτης ταύτῃ τῇ δυνάμει πεποιθὼς ἔλεγεν ὅτι "ἐγὼ ἄλλον μὲν οὐδένα
εἴωθα παρέχειν μάρτυρα ὧν λέγω, ἀρκοῦμαι δ'
ἀεὶ τῷ προσδιαλεγομένῳ καὶ ἐκεῖνον ἐπιψηφίζω
καὶ καλῶ μάρτυρα καὶ εἷς ὢν οὗτος ἀρκεῖ μοι
ἀντὶ πάντων"
[σεξτ. 7]
3. ᾔδει γάρ, ὑπὸ τίνος λογικὴ ψυχὴ κινεῖται , ζυγῷ ἐπιρρέψει, ἄν τε θέλῃς ἄν τε μή. λογικῷ
ἡγεμονικῷ δεῖξον μάχην καὶ ἀποστήσεται: ἂν δὲ μὴ
δεικνύῃς, αὐτὸς σαυτῷ μᾶλλον ἐγκάλει ἢ τῷ μὴ πειθομένῳ.
|