Corpoream sphaerae speciem. Neque post datur vltra
Tendere continuae molis reliquum ad genus vllum:
Namque triplex tantum concurrit dimetrus vnum
In punctum vt rectus siet angulus vndique constans.
Adde vt ipsa monas, dias, & trias, & tetras omne
Principium referunt. Monas est nempe omnib9 id quod
Praepositum est simplex, cui par primum hinc dias ad-
stat,
Hinc trias est impar primum, sequiturque deinde
Compositum ex istis referens tetras. Ac monadi tres
Adiectae numeri species complent decadis vim
Claudentem numeros omnes, numerum numerorum.
Ergo vbi de minimo tanquam monade in genere ista
Completa est nobis speculatio, non violanda
Perquirit series defluxu dicere puncti.