tas quam sensum interiorem appellitant, non addit intenditque
lucem: sed circa eam qualemcumque collationem reflexionem-
que, secundum nempe actum quendam exercet. Potentia omnis
quae deinceps visum consequitur sub indicis mentis nomine
vulgariter significatur.
CAPVT III.
Sensitiuae externaeque potentiae est primó
circulum apprehendere.
DEfinit cyclum tantum mens. Porró figura
Illius exterior tantummodo sensibus apta est,
Quantum aptanda venit; constans quapropter eorum
Obiectum reputamdamagis. Nam deinde per vmbram
hame
Phantasice capere est, condensas perque tenebras.
Non mihi tam bene fit distantis imago parentis
Obuia, quam fuerat praesentis hypostasis ore.
Phantasiae iccirco sublambit imaginis vmbram,
Quam melius referant insomnia, quando fidelem
Non turbare sinit speciem requieta facultas
Affinis; vario neque fit distractus agente
Sensus, at obiectum integre se obuertit in vnum
Interior: nihilum proprioque adspectat in orbe,
Praeter quam externis quod conceptauit ab oris
Integrum ac purum; aut confusum, milleque mixtum
Compactumque modis, visis de partibus actum,
Ordinibus varie innumeris coeuntibus illic.
Sensibili in veram formae se attollere mentem
Non datur: vt puram mentis speciem neque sensus
Adsequitur. Variis varia est cognata potestas;
Auris enim lucem non concipit, atque colores,
Vt neque rumores oculi, strepitumque sonumque,