PROOEMIUM AD LECTOREM.

HAbesiam, erudite Lector, in hoc Libro de Motionibus Naturalibus a gravitate pendentibus, una cum præcedenti do Vi Percessionis ea omnia, quæ præmitti debuerant ad perfectam intelligentiam doctrinæ de animalium motibus, exceptis quam plurimis mechanicis lemmatibus, quæ suis locis deinceps iuxta subiecti exigentiam exponentur. Debeo tamen nonnulla præfari de hoc, & præcedenti Opere, in quibus multoties afferuntur sententiæ diversæ ab Authorum magni nominis opinionibus. Hoc tamen summa modestia, & moderatione exequutus sum; quandoquidem sententias insector, non autem authorum nomina, aut famam attingo: quippe qui solummodo veritatem quæro, seruata interim dignitate, & fama clarissimorum virorum: quod constat ex eo, quod tunc solummodo viventium authorum nomina recenseo, cum laudandi eos occasio offertur; cum vero controuersiæ agitantur nomina authorum omnino teguntur, ac silentur; quia vero hac tan religiosa mederatione, & modestia effugere non potui contradicentium mordacitates, ideo visum est denuo pollicere me ab instituto incepto non dimoueri, nec discedere velle, neque opposit oribus, si qui forsan extiterint, responsum ullum apologeticum, & contentiosum edere velle, sed tantummodo si opus fuerit meam doctrinam melius, & apertius declarare, vel corrigere vbi forsan humano more lapsus fuero. Vale.