De Motionibus Naturalibus a Gravitate Pendentibus Linda Hall Library Collection Table of Contents
ILLUSTRISS. ET EXCELLENTISS. DOMINO D. ANDREÆ CONCUBLET MARCHIONI ARENÆ. IO: ALPHONSUS BORRELLUS. S.
PROOEMIUM AD LECTOREM.
DE MOTIONIBUS NATVRALIBUS A Gravitate pendentibus. CAPVT I. CAP. II. CAP. III. CAP. IV. CAP. V. CAP. VI. CAP. VII. CAP. VIII. CAP. IX. CAP. X. CAP. XI. CAP. XII. CAP. XIII.
INDEX
Electronic edition published by Cultural Heritage Langauge Technologies and funded by the . This text has been proofread to a low degree of accuracy. It was converted to electronic form using data entry.
DE MOTIONIBUS NATVRALIBUS A Gravitate pendentibus. Table of Contents
CAP. VII.
POstquam euicimus aquam , & aerem , in eorum metregionibus ponderare, & grauitatem exercere , insuperque attractionem in natura non dari ; poterit iam natura , & vera causa fluiditatis eorum assignari.
Et primo more nostro de finitionem fluiditatis afferemus desumptam ab aliqua insigni , & euidenti passione eius corporis , quod fluidum appellatur .
Et profecto quotiescumque video , atque considero differentiam inter glaciem , & aquam fluentem , obseruo in illa duritiem , & consistentiam, qua ista caret , video enim immisso digito , quod glacies non cedit , aqua vero fluida facillime locum præstat submersioni, & ingressui digiti , perfecteque circa ipsum disponitur , & adaptatur, vt vndequaque eum contingat .
Video insuper non posse angulum glaciei impelli , aut quomodolibet loco-moueri, quin tota massa glacialis simul moueatur, cum e contra in aqua fluida possit quaelibet eius particula impelli , circumuolui, alijsque modis agitari, quiescentibus tamen reliquis partibus eius , vel saltem agitatis motu tardiori, vel non ad easdem partes facto .
Postremo obseruo aquam fluidam perfectissime explanari, & ad libellam horizonti æquidistantem reduci , quod minime fieri posset , nisi partes eius extremæ , superficialesque æque a medio puncto telluris recederent .
Image Size: 240x320 480x640 960x1280 1440x1920 1920x2560
