Cvm præcipitatæ scriptionis breuitas non pauca reliquerit minus clarè exposita, præfertim vbi de angulatis corporibus, & terræ stratis agitur; vt qualecumque remedium isti malo adhiberem, è plurimis aliis selectas sequen?? tes figuras hìc subiungere constitui.
Tredecim priores figuræ angulatis crystalli corporibus explicandis destinatæ, ad duas classes reducuntur.
Prima classis continet septem differentias plani, in quo est axis crystalli. In 1. 2. & 3. axes partium vndè componitur crystalli corpus, constituunt vnam rectam lineam, sed intermedia columna, que, in 1. figura desideratur, in 2. breuior, longior in 3. conspicitur. In 4. figura, axes partium constituentium crystalli corpus, non constituunt vnam rectam lineam. 5. & 6. figura ex illarum genere sunt, quas innumeras afferre potui ad euincendum, in plano axis laterum, & numerum, & longitudinem variè mutari non mutatis angulis, & in ipsa media crystallo cauitates varias relinqui, & varias lamellas formari. 7. figura in plano axis indicat quomodo ex superimposita planis pyramidum noua materia crystallina laterum, & numerus, & longitudo variè modò augentur, modò imminuuntur.
Secunda classis continet sex differentias plani baseos. In 8. 9. 10. & 11. figura sex tantùm latera numerantur, ea tamen cum differentia vt in 8. figura omnia latera sint æqualia; in 9. & 11. figura non omnia latera, sed tantùm opposita sint aequalia; in 10. figura autem inæqualia sint opposita quælibet latera. In 12. figura planum basis, quod hexagonum esse deberet, duodecim lateribus continetur. 13. figura indicat quomodo, dum planis pyramidum imponitur noua materia crystallina, in plano basis laterum longitudo interdum, & numerus variè mutantur non mutatis angulis.
Sex sequentes figuræ explicant duo diuersa genera angulatorum serri corporum. 14. 15. 16. figura seruiunt explicandis illis angulatis serri corporibus, quæ duodecim planis comprehenduntur: & quidem 14. figura exhibet omnia illa duodecim plana explicata in vnum planum, quorum sex triangularia sunt, & polita, reliqua sex pentagona, & striata. 15. figura est planum basis eiusdem corporis. 16. figura planum axis eiusdem corporis.
17. 18. & 19. figura seruiunt explicandis illis angulatis serri corporibus quæ 30. planis comprehenduntur, & quidem 17. figura exhibet omnia illa 30. plana explicata in vnum planum è quibus 6. plana pentagona sunt, & polita, 12. triangularia itidem polita, 6. triangularia, & striata, 6. quadrilatera oblonga, & polita. 18. figura est planum basis eiusdem corporis. 19. figura est planum axis eiusdem corporis.
Sex vltimæ figuræ, dum indicant quo modo ex præsenti sacie Etruriæ colligimus sex distinctas Etruriæ facies, simul seruiunt illis faciliùs intelligendis, quæ de stratis terræ diximus. Lineae punctis signatae repraesentant terræ strata arenacea, ita à potiori nominata, licet illis varia, & argillacea, & lapidea strata immixta sint: reliquæ lineæ strata lapidea repræsentant itidem à potiori ita dicta, cum interdum intaer illa sita sint alia mollioris substantiæ strata. In ipsa Dissertatione figurarum literas explicaui, quo ordine figuræ se inuicem excipiunt: hìc breuiter mutationis ordinem recensebo. Exhibet autem figura 25. planum perpendiculare Etruriæ, quo tempore strata lapidea etiam num integra, & horizonti parallela erant. Figura 24. ingentes cauitates, siue ignium, siue aquarum vi exesas intactis superioribus stratis. Figura 23. à disruptis stratis superioribus ortos montes, & valles. Figura 22. à mare facta noua strata in dictis vallibus. Figura 21. ex nouis stratis consumptam partem inferiorum stratorum, intactis superioribus. 20. figura di?? ruptis superioribus stratis arenaceis, productos ibi colles, & valles.
