De Solido Intra Solidvm Natvraliter Contento Dissertationis Prodromvs
Linda Hall Library Collection Table of Contents
SERENISSIME MAGNE DVX.
I.
II.
III.
Electronic edition published by Cultural Heritage Langauge Technologies and funded by the . This text has been proofread to a low degree of accuracy. It was converted to electronic form using Data Entry.
Table of Contents Page 19 of 85
Qui productionem alicuius rei terræ adscribit , locum quidem nominat, sed cum rebus omnibus terrestribus locum saltem ex parte terra tribuat , solus verò locus productionem corporis non absoluat, de terra idem quod de Natura dici poterit , scilicet quæ in terra fiunt , omnia à terra produci , & eorum quæ in terra fiunt nullum à terra produci .
Eadem illa pauca superiùs exposita sufficiunt resoluendis dubiis omnibus propositæ quæstionis , quæ tribus sequentibus propositionibus hìc comprehendere volui .
SI corpus solidum alio corpore solido vndiquè ambitur , illud ex iis primò induruit , quod in mutuo contactu sua superficie alterius superficiei proprietates exprimit . Hinc sequitur ;
1. In illis , siue terris , siue saxis , quæ vndique circumdant , & continent crystallos, selenitides, marcasitas, plantas , eorumque partes , ossa , & testas animalium , idque generis alia corpora , leui superficie prædita , iam tum induruisse eadem illa corpora , quo tempore terrarum saxorumque illa continentium materia etiam num fluida erat ; adeoque tantùm abesse , vt illæ terræ , vel saxa produxerint contenta in illis corpora , vt ne quidem
Image Size: 240x320 480x640 960x1280 1440x1920 1920x2560