PRIMA PARS PERIPATETICAE DISPVTATIONIS DE MOTV GRAVIVM, ET LEVIVM
AVCTORE HIERONYMO BORRIO Phylosopho Arretino. Ab eodem in Almo Pisano Gymnasio publice profitente disputata.
Perdifficilis, & perobscura quæstio est, de motu grauium, & leuium; quæ, vt multa alia in Phylosophya, nequaquam satis adhuc explicata, ad cognitionem animi pulcherrima est, & ad hunc locum, quem explanandum suscepimus, intelligendum, & ad complures alios contemplandos, vsque adeo necessaria, vt sine huius propositæ conquisitionis explicatione, sine velis, sine remis, sine arctemone, sine pixide, ac sine gubernatore nauigantes, in scopulos, & in sirtes incauti impingant, & ab innumeris fere aduersæ fortunæ fluctibus, atque procellis agitati, in tota Phylosophya naufragium misere faciant: quod natura, etiam ipsa, B