Et Triangulum simpliciter vel super data linea
aequilaterum constituo, &c.
CIrca vnum punctum si circumfluxerit alter
Cyclus erit, cuius radio de margine gyri
AEqualis gyro adhaerens contermina fiat
Extremo triplici laterum pro puncta notentur:
Nam radius Baccho quo iungitur alma Diana
Est illi aequalis quo Hermeti Diua propinquat.
Linea sique data est veluti quam hinc finit Apollo,
AEmoniusque illinc Bacchus, tunc centra vicissim
Gyrando fiant, Charitis domus inuenietur,
Mutuus occursusque illic qui terminat ambas
Inde vias rectas gemino de numine ad illam.
AEquis de radiis Chremes facit omnia palam.
SPecierum trianguli solus aequilaterus cum circulo commen-
surationem quandam & mutuae ostensionis principium ha-
bere apparet: quia radius ad peripheriam super termino radiià
centro exeuntis incumbens talem sortitur inclinationem, vt non
nisi a tero in centrum extremo confluente ad illius compleme
tum opus sit.
Proinde in iis quae circa minimi inuentionem dicta sunt in-
dicauimus, vt ordini partium circuli qui in solido tamquam
proprio subiecto est inquirendus, in plano respondeat ordo
partium exagoni per eiusdem triangulos, qui à comparis circu-
li radio definiuntur.
CAPVT IIII.
AVCTIO.
Et TRIANGVLI conformiter augendi vi-
am aperio, &c.
MAior fit quatruplo si centrum facta Diana
In puncto Chariti opposito, circumque fluente