Paedologia


Paedologia
By Petrus Mosellanus
Berlin Weidmann 1906

Latin Colloquia Collection Table of Contents


Petrus Mosellanus Ioanni Poliandro Lipsiae apud divum Thomam ludimagistro suo S.

Paedologia

DIALOGVS I. Caspar et Modestus de nundinis fabulantur.

DIALOGVS II. De natali celebrando, de receptis pecuniis deque bono cuiusque genio.

DIALOGVS III. De reditu in patriam, de litteris a parentibus acceptis deque missione flagitanda.

DIALOGVS IV. De conveniendo praeceptore, missione impetranda deque gratiis praeceptori agendis.

DIALOGVS V. De excipiendis scholasticis aliunde advenientibus deque Graecae litteraturae rudimentis in prima aetate addiscendis.

DIALOGVS VI. De recipiendis in disciplinam scholasticis.

DIALOGVS VII. De domicilio commodo atque incommodo deque paupertate atque opulentia scholasticorum.

DIALOGVS VIII. Andreas ac Philippus de vindemia et aucupio loquuntur

DIALOGVS IX. De auctoribus proximo semestri in schola praelegendis.

DIALOGVS X. **Complectens formulas loquendi de feriis.

DIALOGVS XI. Clemens et Remigius de die a feriis secundo, quem Martis vocant, confabulantur.

DIALOGVS XII. De nuptiis, balneis ac viscerationibus.

DIALOGVS XIII. Sixtus et Alexander de ingenii praestantia contendunt.

DIALOGVS XIV. De signo tintinnabulorum deque immodico somno.

DIALOGVS XV. Henricus et Fridericus de ludendi ratione aiunt.

DIALOGVS XVI. Iulianus et Damianus de quaestionibus commissorum, quae die Veneris in ludis exercentur.

DIALOGVS XVII. Petrus et Paulus de desiderio feriarum deque capite lavando agunt.

DIALOGVS XVIII. De canticis deque feriis divi Martini.

DIALOGVS XIX. Martinus et Valerius de ieiunii violata religione deque divae Catharinae, studiorum praesidis, numine.

DIALOGVS XX. Hippolytus et Cletus de frigoris iniuria queruntur.

DIALOGVS XXI. De feriis divi Nicolai deque creando episcopo.

DIALOGVS XXII. Iacobus et Thomas de variis spectaculis colloquuntur.

DIALOGVS XXIII. Conradus et Aegidius de ieiuniorum ratione disserunt.

DIALOGVS XXIV. Penius et Franciscus de feriis nataliciis Christi confabulantur.

DIALOGVS XXV. Brutus et Petrucius de novi anni ingressu loquuntur deque missitandis strenulis.

DIALOGVS XXVI. Valerius et Nicolaus de cereis in feriis beatae virginis gestandis agunt.

DIALOGVS XXVII. Fabianus et Franciscus de Bacchanalibus Christianorum fabulantur.

DIALOGVS XXVIII. Vitus et Severus de ieiunio deque confessione, quam vocant.

DIALOGVS XXIX.

DIALOGVS XXX. Paulus et Lucas de sanctorum communione colloquuntur.

DIALOGVS XXXI. Vrbanus et Kilianus de lustratione urbis et arvorum fabulantur.

DIALOGVS XXXII. Leopoldus et Severus de spectaculis comoediarum tragoediarumque exhibendis fabulantur.

DIALOGVS XXXIII. Basilius et Gregorius de coronis gestandis deque earum vario genere colloquuntur.

DIALOGVS XXXIV. Raphael et Servatius de feriis divi Vrbani confabulantur.

DIALOGVS XXXV ET VLTIMVS. Cornelius et Gulielmus de commodis ac molestiis variorum temporum disserunt.

DIALOGVS X. Phaedrus et aetate et eruditione maior cum fratre suo Ioanne loquitur.

DIALOGVS XXXVII ET VLTIMVS. Pandulphus, Ludimagistri magister, Hieronymus scholasticus, et Ludimagister consultant, in quam potissimum academiam studioso sit commigrandum.

Praeceptiuncula de tempore studiis impartiendo a Petro Mosellano adulescentulis disciplinae suae commissis tradita.

P. Mosellanus discipulis suis salutem.

Electronic edition published by Stoa Consortium and funded by the NSF-EU. This text has been proofread to a degree of accuracy. It was converted to electronic form using Manifest typing errors have been reformed.
 

DIALOGVS XXX. Paulus et Lucas de sanctorum communione colloquuntur.

Paulus

Obsecro te, mi Luca, modis omnibus nos excutiamus atque ab omni peccatorum sorde paenitentiae scopis repurgemus, ne ad tanti principis, qui semel nutu nos perdere potest, mensam illotis quasi manibus accedamus et panem illum caelestem atque admirandum polluto ore, immo et animo sumamus ; de quo heri tam pia tamque frugifera disseruit ludimagister.

Lucas

Equidem pro mea virili ad hoc enitar. Sed rogo: quidnam de hoc mysterio disputavit praeceptor? Nam ipse non interfui.

Paulus

O miserum, qui talia neglegis!

Lucas

Adesse non quivi alibi occupatus; quamobrem vehementer oro et obtestor, ne mihi rem adeo salubrem invideas.

Paulus

Aiebat tantam esse virtutem huius admirandi cibi, ut qui eo rite vescerentur fierent unum corpus atque unus spiritus cum Christo sicque in Deum Deique filium abirent; sed si quis impurus contingat, eum non salutem, sed extremam animae perniciem sibi invenire. Hortabatur ergo nos omnes, ut his diebus peccatores cum Christo in cruce moreremur, quo felicius et sinceriori cum gaudio una cum eo in vitam transeamus. Hoc enim dicebat significari per haec appetentia nunc festa, quod pascha Hebraeis transitum a morte peccatorum ad vitam virtutum sonet.

Lucas

At interim quid fit de placentis et id genus aliis bellariis, quae ad imminentes has ferias parare consueverunt? Non et de illis quid audivisti?

Paulus

Apage! Tuus animus iam est in placentis, cum hoc temporis articulo Christus olim de vita sit periclitatus. Placentae atque eius generis illecebrae aliae suo loco sermonem dabunt; nunc de alio cibo solliciti esse debemus.