Paedologia

Paedologia
By Petrus Mosellanus
Berlin Weidmann 1906

Latin Colloquia Collection Table of Contents

Petrus Mosellanus Ioanni Poliandro Lipsiae apud divum Thomam ludimagistro suo S.

DIALOGVS I. Caspar et Modestus de nundinis fabulantur.

DIALOGVS II. De natali celebrando, de receptis pecuniis deque bono cuiusque genio.

DIALOGVS III. De reditu in patriam, de litteris a parentibus acceptis deque missione flagitanda.

DIALOGVS IV. De conveniendo praeceptore, missione impetranda deque gratiis praeceptori agendis.

DIALOGVS V. De excipiendis scholasticis aliunde advenientibus deque Graecae litteraturae rudimentis in prima aetate addiscendis.

DIALOGVS VI. De recipiendis in disciplinam scholasticis.

DIALOGVS VII. De domicilio commodo atque incommodo deque paupertate atque opulentia scholasticorum.

DIALOGVS VIII. Andreas ac Philippus de vindemia et aucupio loquuntur

DIALOGVS IX. De auctoribus proximo semestri in schola praelegendis.

DIALOGVS X. **Complectens formulas loquendi de feriis.

DIALOGVS XI. Clemens et Remigius de die a feriis secundo, quem Martis vocant, confabulantur.

DIALOGVS XII. De nuptiis, balneis ac viscerationibus.

DIALOGVS XIII. Sixtus et Alexander de ingenii praestantia contendunt.

DIALOGVS XIV. De signo tintinnabulorum deque immodico somno.

DIALOGVS XV. Henricus et Fridericus de ludendi ratione aiunt.

DIALOGVS XVI. Iulianus et Damianus de quaestionibus commissorum, quae die Veneris in ludis exercentur.

DIALOGVS XVII. Petrus et Paulus de desiderio feriarum deque capite lavando agunt.

DIALOGVS XVIII. De canticis deque feriis divi Martini.

DIALOGVS XIX. Martinus et Valerius de ieiunii violata religione deque divae Catharinae, studiorum praesidis, numine.

DIALOGVS XX. Hippolytus et Cletus de frigoris iniuria queruntur.

DIALOGVS XXI. De feriis divi Nicolai deque creando episcopo.

DIALOGVS XXII. Iacobus et Thomas de variis spectaculis colloquuntur.

DIALOGVS XXIII. Conradus et Aegidius de ieiuniorum ratione disserunt.

DIALOGVS XXIV. Penius et Franciscus de feriis nataliciis Christi confabulantur.

DIALOGVS XXV. Brutus et Petrucius de novi anni ingressu loquuntur deque missitandis strenulis.

DIALOGVS XXVI. Valerius et Nicolaus de cereis in feriis beatae virginis gestandis agunt.

DIALOGVS XXVII. Fabianus et Franciscus de Bacchanalibus Christianorum fabulantur.

DIALOGVS XXVIII. Vitus et Severus de ieiunio deque confessione, quam vocant.

DIALOGVS XXX. Paulus et Lucas de sanctorum communione colloquuntur.

DIALOGVS XXXI. Vrbanus et Kilianus de lustratione urbis et arvorum fabulantur.

DIALOGVS XXXII. Leopoldus et Severus de spectaculis comoediarum tragoediarumque exhibendis fabulantur.

DIALOGVS XXXIII. Basilius et Gregorius de coronis gestandis deque earum vario genere colloquuntur.

DIALOGVS XXXIV. Raphael et Servatius de feriis divi Vrbani confabulantur.

DIALOGVS XXXV ET VLTIMVS. Cornelius et Gulielmus de commodis ac molestiis variorum temporum disserunt.

DIALOGVS X. Phaedrus et aetate et eruditione maior cum fratre suo Ioanne loquitur.

DIALOGVS XXXVII ET VLTIMVS. Pandulphus, Ludimagistri magister, Hieronymus scholasticus, et Ludimagister consultant, in quam potissimum academiam studioso sit commigrandum.

Praeceptiuncula de tempore studiis impartiendo a Petro Mosellano adulescentulis disciplinae suae commissis tradita.

P. Mosellanus discipulis suis salutem.

Electronic edition published by Stoa Consortium and funded by the NSF-EU. This text has been proofread to a degree of accuracy. It was converted to electronic form using Manifest typing errors have been reformed.

DIALOGVS XXII. Iacobus et Thomas de variis spectaculis colloquuntur.

Iacobus
Thomas

Iacobus

Quid cras sit futurum audistin?

Thomas

Nihil equidem, nisi quae alias fieri consueverunt.

Iacobus

De spectaculis nihil?

Thomas

Nihil plane; num edentur aliqua?

Iacobus

Edentur et quidem varia. Nam funambulos duos adesse audio, qui cras sui artificii miraculum ostentabunt. Tum Sarmatas aliquot vidi ipse, qui immanes ursos ad exiguam stipem iuxta lituorum cantus saltitantes exhibebunt.

Thomas

Curabo quoquo modo, ut et ipse intersim, etiamsi me ipse intrudere debeam.

Iacobus

Vix poteris, quandoquidem qui non numerant foras quatiuntur.

Thomas

Fallam ipsos ianitores.

Iacobus

Ad haec princeps ipse in foro paria aliquot equitum exhibebit, qui inter sese infestis hastis concurrent. Post quos circum ingredientur item equites a calce ad verticem usque armati, quos cataphractos vocant. Hi catervatim sine ullo aut ordine aut arte alius in alium irruent et se mutuis ictibus ab equis deicient. Nam in hoc circus undique est circumsaeptus et, ne qui ceciderint gravius laedantur, fimo instratus.

Thomas

Quam quaeso te voluptatem ex tam furioso et minime iucundo certamine capiunt isti?

Iacobus

Quid? Nullas non lautitias prae hac voluptate contemnunt, praeterquam quod hoc tirocinio ad serios hostium congressus praeparantur et quasi animantur.

Thomas

Vtcumque sit, spectabo et ipse, quomodo res agatur.