C.
Licetne prodire?
P.
Quo?
C.
Domum.
P.
Hem! tam saepe ire domum?
C.
Mater iusserat, ut ego et frater se adiremus hodie.
P.
Cuius rei gratia?
C.
Ut ancilla vestimenta nobis excuteret.
P.
Quid istud? Suntne vobis pediculi?
C.
Et multi quidem.
P.
Cur uxorem meam non admonuistis?
C.
Non ausi sumus.
P.
Quasi vero illa sit usque adeo difficilis. Ancillam habet ea
potissimum gratia, ut vestram omnium curet munditiem: nec vos
ignoratis illud; sed gaudetis matris invisendae occasionem vobis
dari.
[ 90 ]
Vos igitur manete; cras ego curabo, ut vobis
excutiantur vestes.
C.
Sed mater nos obiurgabit.
P.
Egomet eam placabo; quiescite.