Ch.
Unde redis?
Co.
Foris.
Ch.
Cur prodieras?
Co.
Ut irem domum.
Ch.
Quideo?
Co.
Petitum libros meos.
Ch.
Eho! cur non attuleras?
Co.
Oblitus eram.
Ch.
Siccine soles ientaculum aut merendam oblivisci?
Co.
Rarissime.
Ch.
Profecto magna fuit negligentia.
Co.
Imo maxima: sed quid agas? pueri sumus.
Ch.
Quid si praeceptor tuum factum sciret?
Co.
Fortasse poenas darem.
Ch.
Ain' tu fortasse? proculdubio vapulares. Non te pudet sine libris in
Scholam venire?
Co.
Non solum
[ 6 ]
pudet, sed piget etiam: veruntamen ne me
accuses, obsecro.
Ch.
Nihil minus cogito; sed non possum dissimulare, quin ego te reprehendam.
Co.
Istud (credo equidem) amice facis: itaque boni consulo.
Ch.
Id satis est mihi: eamus intro in auditorium.
Co.
Tempus est: iam decuriones exigunt scripturae rationem.