Occidit. Exsequias pulchrae celebrate catellae. Occidit ante suum pulchra catella diem. Ipse facem maesto canis Erigoneius imbre Condat, et attonitis terreat astra sonis. Plangere scit, meminitque suae lacrimabile murmur Erigones, patrios cum stetit ante rogos. Dura Venus, quamquam ms., err. ed. pri., ed. sec., 1622, 1627, 1630, 1659, 1664; quem ed. pri. | non pariens Aldina gemendo Flexit, et Aldinae sic parientis herus! An quia Phoebeis nemo est acceptior aris, Invidiam Veneris, Solis alumne, luis.
Aldinamque tuam (ius in te haud maius habebat) Ultrici rapuit diva severa manu. Plangite sub tenero vulsae certamine chartae, Quas aufert domino blanda catella suo. Et toties parvo repetita cubilia cursu, Dum quaerit vetitas illa fugitque fores. Plangite nunc mutae sedes, nunc strata focique, Et quicquid viduum functa catella facit. Vos solae gaudete nives. Nil vellere vestro Candidius post haec funera portat humus.
|