De Medicina By Celsus
Edited by:
W. G. Spencer
(trans.) Cambridge, Massachusetts Harvard University Press 1971 (Republication of the 1935 edition).
Digital Hippocrates Collection Table of Contents
A. Cornelii Celsi
De Medicina Prooemium
Liber I
Liber II PROOEMIUM
Liber III
Liber IV
Liber V
Liber VI
Liber VII PROOEMIUM
Liber VIII
This electronic edition is funded by the National Library of Medicine History of Medicine
Division. This text has been proofread to a high degree of accuracy. It was converted to electronic form using Data Entry. (Medical Information Disclaimer:
It is not the intention of NLM to provide specific medical advice but rather to provide users with information to better understand their health and their diagnosed disorders. Specific medical advice will not be provided, and NLM urges you to consult with a qualified physician for diagnosis and for answers to your personal questions.)
Liber I Table of Contents Page 39 of 516
[p. 76] bibere , et post cibum magnam potionem , sed , ut supra dixi , per siphonem ; deinde omnes potiones aqua frigida includere . Cui vero cibus acescit, is ante eum bibere aquam egelidam debet et vomere : at si cui ex hoc frequens deiectio incidit , quotiens alvus ei constiterit , frigida potione potissimum utatur .
9. Si cui vero dolere nervi solent , quod in podagra cheiragrave esse consuevit , huic , quantum fieri potest , exercendum id est , quod adfectum est , obiciendumque labori et frigori , nisi cum dolor increvit . Sub divo quies optima est . Venus semper inimica est ; concoctio , sicut in omnibus corporis adfectibus , necessaria : cruditas enim id maxime laedit , et quotiens offensum corpus est , vitiosa pars maxime sentit .
Ut concoctio autem omnibus vitiis occurrit , sic rursus aliis frigus , aliis calor ; quae sequi quisque pro habitu corporis sui debet . Frigus inimicum est seni , tenui , vulneri , praecordiis , intestinis , vesicae , auribus , coxis, scapulis , naturalibus , ossibus , dentibus , nervis , vulvae , cerebro . Idem summam cutem facit pallidam, aridam , duram , nigram ; ex hoc horrores tremores nascuntur . At prodest iuvenibus et omnibus plenis ; erectiorque mens est , et melius concoquitur , ubi frigus quidem est sed cavetur . Aqua vero frigida infusa , praeterquam capiti , etiam stomacho prodest , etiam articulis doloribusque, qui sunt sine ulceribus , item rubicundis nimis hominibus , si dolore vacant. Calor autem adiuvat omnia , quae frigus infestat, item lippientis, si nec dolor nec lacrimae sunt , nervos quoque , qui contrahuntur ,