PROPOSITIO SEPTIMA.

Aequis ponderibus in æquilibri appensis, si æqualia sint appensibilia, alterum autem circumuolubile, & alterum secundum angulum rectum fixum, quod in circum uolubile appenditur, grauius erit secundum situm.

Circumuolubile dicitur, quando perpendiculum potest habere declinationem plus largam, quam brachia libræ, ut sit, quando in circulo pendet secundum angulum rectum fixum, dicitur, quando nullam contingit habere declinationem perpendiculorum, nisi secundum brachium, & est in situ æqualitatis inter brachium & perpendiculum angulus rectus, probatur. Sint appensa æqualia, ut uult positio, in pondere, sed non in longitudine, tunc illud quod est circumuolubile, maiorem circulum constituit in causa, quia plus declinat propter circumuolutionem, & sic pondus ibi grauius est secundum situm, cum eius descensus sit rectior. Illa propositio fuit inuenta de quodam experimento facto ad probationen partis secundæ. Cum eum aliquis uoluerit experiri, an ita esset, posuit in æquilibra pondera æqualia, cuius appendentia erunt filo composita, quæ motum habent à brachiis alienum, etiam propter perpendiculorum flexus incognitis experimentum fallax, quare experiens ueritatis irrisorem, & accepto cum casu, qui secundum æque distantiam à medio motus propter perpendicula, ex terminis brachiorum lineæ sic describuntur, utrumque intelligit, quid prius negauit, qui est, quia propter mutationes brachiorum alii non erunt flexus, & ex hoc non conclusit secundum rectos angulos idem congruere, cum motus brachiorum similiter contingit. Aliud conmentum. Sit regula b a c, cuius centrum a, & appendicula b d circumuolubile, & c e fixum, pondera quoque