limitari hanc vitam, in doctrinâ Christianâ,
ad Millennium; Nequis eam confunderet cum vitâ
æternâ, aut se perpetuò in terris moraturum esse
somniaret. Clauditur cum Resurrectione & iudicio
universali : Quibus peractis, ipsi cœli novi & terra
præteribunt : Raptique in æthera, unà cum Deo,
Christo, Angelis, fœlicitate ineffabili & incomprehensibili æternùm potiemur.
HIS ita expositis de naturâ Millennii, liceat argumenta quædam secundaria sublegere, antequam ad ipsius sedem explicandam progrediamur.
Si Tellurem, & Telluris historiam, resque in eâ
gestas inspiciamus, à temporibus Diluvii ad hodiernum diem : quid tanti reperietur, aut in naturâ,
aut in rebus humanis, ut operæ pretium videri possit, hunc mundum condidisse ? Terram sterilem,
Cœlum immite, Homines improbos, Deum offensum : Hæc hactenus vidimus ; & quid præterea ?
Bella, & fraudes, inermem læsamque virtutem : &
morbos, & egestatem, & servitutem, & mille mali
formas, & mille nocendi artes ; Hæc mundum hodiernum
| | Image Size: 240x320 480x640 960x1280 1440x1920 1920x2560
|