Quùm adventûs Chrìsti & incendii mundani,
tanquam comites aut præcursores, adfutura
sint signa & prodigia in Cœlo & in Terrâ, quæ ab oraculis sacris referuntur : Huius incendii causas &
conditiones si rectè explicuimus, harum etiam rerum
adiunctarum rationes ex iisdem fundamentis innotescent. Et vicissim, Si explicatio nostra respondeat
omnibus Incendii Phænomenis, quæ, vel ex naturâ
rei, vel ex Sacris Literis peti possunt, examen suum
subiit, & pro verâ habenda est, licet in multis fieri
poterit emendatior.
Loquimur autem hîc de signis naturalibus, quæ
mundi machinam spectant : Cælum, Solem, Lunam,
Stellas : vel Terram, Mare, Montes, & similia ; Et
ne in his explicandis frustrà operam impendere videamur, primùm diluenda est obiectio, vel interpretatio eorum, qui hæc prodigia, non sensu literali,
sed allegorico, exponenda esse sentiunt : ideóque
Solem, Lunam, Sidera, Terram, Mare, & alia, ad
potestates gradusque seculares, Principes & populum, detorquent ; Hi, inquiunt, percellentur omnes
| | Image Size: 240x320 480x640 960x1280 1440x1920 1920x2560
|