CUM rationes summámque huius operis
Capite primo explicuerimus, ac alibi
sparsim pro re nata ipsius methodum &
partium ordinem, ne Lectoris otio abuti videamur pauca admodum hîc præfabimur. Telluris Theoriam Sacram instruere decrevimus,
in quâ à primævo Chao tenerísque rerum principiis sumpto exordio, omnes Naturæ motus & renovationes ad earundem rerum supremum
exitum prosequemur. Hanc Theoriam Sacram
appello, cùm Telluris Physiologiam communem
non respiciat; sed maiores mundi nostri
vicissitudines, quarum meminit Sacra Scriptura, & quæ Providentiæ Divinæ circa Terram sunt veluti Cardines.
In huiusmodi argumento novo solent multa
præfari ad occurrendum præiudiciis, monitísque
& precibus movere Lectorem, ut iudicio recto
& irretorto, animóque libero utatur; sed frustra
hæc fiunt : quis enim inter legendum præfatiunculam