Orationes

Orationes
By M. Antonius Muretus

Latin Colloquia Collection Table of Contents

M. ANTONII MURETI ORATIONES VOLUMEN PRIMUM
   M. ANTONII MURETI ORATIO I. DE DIGNITATE AC PRAESTANTIA STUDII THEOLOGICI HABITA LUTETIAE PARISIORUM NON. FEBR. MDLII.
   DE LAUDIBUS LITERARUM. ORATIO II. HABITA VENETIIS MENSE OCTOBRI ANNO MDLIV.
   DE UTILITATE AC PRAESTANTIA LITTERARUM HUMANIORUM ADVERSUS QUOSDAM EARUM VITUPERATORES. ORATIO III. HABITA VENETIIS POSTRID. NON. OCTOB. ANNO MDLV.
   DE PHILOSOPHIAE ET ELOQUENTIAE CONIUNCTIONE. ORATIO IV. HABITA VENETIIS MENSE OCTOBRI ANNO MDLVII.
   PRO FRANCISCO II. GALLIARUM REGE AD PIUM IV. PONT. MAX. ORATIO V. HABITA ROMAE POSTRIDIE KAL. MAI. ANNO MDLX.
   PRO ANTONIO REGE NAVARRAE AD PIUM IV. PONT. MAX. ORATIO VI. HABITA ROMAE POSTRIDIE ID. DECEMB. ANNO MDLX. QUO TEMPORE IOANNA MISSIS AD SUMMUM PONTIFICEM LITTERIS SUA MANU SUBSCRIPTIS SE ET CATHOLICAM ESSE PROFITERATUR ET SE NUNQUAM A S. R. E. OBEDIENTIA DESCITURAM POLLICEBATUR.
   DE MORALIS PHILOSOPHIAE LAUDIBUS CUM EAM DOCERE INCIPERET. ORATIO VII. HABITA ROMAE XVI. KAL. DECEMB. ANNO MDLXIII.
   DE MORALIS PHILOSOPHIAE NECESSITATE CUM IN EA DOCENDA PROGREDERETUR. ORATIO VIII. HABITA ROMAE VII. ID. NOVEMB. ANNO MDLXIV.
   DE IUSTITIAE LAUDIBUS. ORATIO IX. HABITA ROMAE POSTRIDIE NON. MART. ANNO MDLXV.
   DE SUI COGNITIONE DEQUE OMNIBUS HUMANI ANIMI FACULTATIBUS. ORATIO X. HABITA ROMAE IV. ID. NOVEMB. ANNO MDLXV.
   PRO ALFONSO II. DUCE FERRARIAE etc. AD PIUM IV. PONT. MAX. ORATIO XI. NON EST HABITA.
   PRO ALFONSO II. DUCE FERRARIAE AD PIUM V. PONT. MAX. ORATIO XII. HABITA ROMAE V. KALEND. QUINCTIL. ANNO MDLXVI.
   PRO CAROLO IX. REGE CHRISTIANISSIMO AD PIUM V. PONT. MAX. ORATIO XIII. HABITA ROMAE ANNO MDLXVI.
   PRO SIGISMUNDO AUGUSTO REGE POLONIAE AD PIUM V. PONT. MAX. ORATIO XIV. HABITA ROMAE XIIX. KALEND. FEBR. ANNO MDLXVII.
   DE TOTO STUDIORUM SUORUM CURSU DEQUE ELOQUENTIA AC CETERIS DISCIPLINIS CUM IURISPRUDENTIA CONIUNGENDIS. ORATIO XV. HABITA ROMAE ANNO MDLXVII.
   CUR AD MUNUS DOCENDI QUO SE SPONTE ABDICAVERAT REVOCATUS SIT. ORATIO XVI. HABITA ROMAE PRID. KALEND. MART. ANNO MDLXIX.
   DE DOCTORIS OFFICIO DEQUE MODO IURISPRUDENTIAM DOCENDI. ORATIO XVII. HABITA ROMAE PRID. NON. NOVEMB. ANNO MDLXIX.
   DE AUCTORITATE et OFFICIO IUDICUM. ORATIO XVIII. HABITA ROMAE POSTRIDIE NON. NOVEMB. ANNO MDLXXI.
   ORATIO XIX. MANDATU. S. P. Q. R. HABITA. IN. AEDE SACRA. B. MARIAE. VIRGINIS QUAE. EST. IN. CAPITOLIO IN. REDITU. AD. URBEM M. ANTONII. COLUMNAE POST. TURCAS. NAVALI. PRAELIO. VICTOS IDIB. DECEMB. ANNO MDLXXI.
   ORATIO XX. HABITA ROMAE IN AEDE D. PETRI IN VATICANO V. ID. MAI. ANNO MDLXXII. IN FUNERE PII V. PONT. MAX.
   DE VIA et RATIONE AD ELOQUENTIAE LAUDEM PERVENIENDI. ORATIO XXI. HABITA ROMAE NON. NOVEMB. ANNO MDLXXII.
   PRO CAROLO IX. GALLIARUM REGE CHRISTIANISSIMO AD GREGORIUM XIII. PONT. MAX. ORATIO XXII. HABITA ROMAE X. KALEND. IANUAR. ANNO MDLXXII.
   DE UTILITATE IUCUNDITATE ac PRAESTANTIA LITTERARUM. ORATIO XXIII. HABITA ROMAE XV. KAL. NOVEMBR. ANNO MDLXXIII.
   ORATIO XXIV. HABITA ROMAE ANNO MDLXXIV.
   ORATIO XXV. AD S. D. GREGORIUM XIII. PONTIFIC. MAX. NOMINE HENRICI TERTII GALLIAE ET POLONIAE REGIS HABITA ROMAE IN CONSISTORIO PUBLICO LUDOVICO CASTANAEO RUPIPOZAEO EQUITE ORDINIS REGII VIRO ILLUSTRI EIUSDEM REGIS NOMINE OBEDIENTIAM PRAESTANTE XIII. CAL. QUINCT. ANNO MDLXXVI.
   ORATIO XXVI. IN FUNERE PAULI FOXII ARCHIEPISCOPI TOLOSANI REGIS GALLIARUM ORATORIS AD GREGORIUM XIII. PONT. MAX. ET AD SEDEM APOSTOLICAM HABITA ROMAE IN AEDE S. LUDOVICI IV. KAL. IUNII MDXXCIV.

M. ANTONII MURETI ORATIONES VOLUMEN ALTERUM
   M. ANTONII MURETI ORATIO I. DE MYSTERIO et FESTO CIRCUMCISIONIS DOMINICAE HABITA IN SACELLO PONTIFICIO KAL. IAN. MDLXXXIV.
   ORATIO II. DE S. IOHANNE EUANGELISTA HABITA IN SACELLO PONTIFICIO IV. KAL. IAN. MDLXXXII.
   CUM SENECAE LIBRUM DE PROVIDENTIA INTERPRETATURUS ESSET. ORATIO III. HABITA ROMAE III. NON. IUN. MDLXXV.
   CUM EXPLICARE INCIPERET LIBROS PLATONIS DE OPTIMO REIPUB. STATU. [Praefatio in I. Platonis de Rep. librum.] ORATIO IV. HABITA ROMAE PRIDIE NON. NOVEMB. MDLXXIII.
   CUM IN PLATONE EXPLICANDO PROGREDERETUR. [Praefatio in II. Platonis de Rep. librum.] ORATIO V. HABITA ROMAE IV. KAL. MARTH MDLXX IV.
   INGRESSURUS EXPLANARE M. T. CICERONIS LIBROS DE OFFICHS. ORATIO VI. HABITA ROMAE III. NON. NOVEMBRIS MDLXX IV.
   CUM ARISTOTELIS LIBROS DE ARTE RHETORICA INTERPRETARI INCIPERET. ORATIO VII. HABITA ROMAE POSTRIDIE NON. MARTH MDLXXVI.
   CUM PERGERET IN EORUNDEM ARISTOTELIS LIBR. DE ARTE RHETORICA INTERPRETATIONE. ORATIO VIII. HABITA ROMAE POSTRIDIE NON. NOV. MDLXXVI.
   EXPLICATURUS LIBROS ARISTOTELIS DE REPUBLICA. ORATIO IX. HABITA ROMAE PRIDIE NON. NOVEMBR. MDLXXVII.
   INTERPRETATURUS C. SALLUSTIUM DE CATILINAE CONIURATIONE. ORATIO X. HABITA ROMAE III. NON. NOVEMBR. MDLXXVII.
   CUM EXPLANATURUS ESSET AENEIDA VIRGILII. ORATIO XI. HABITA ROMAE III. NON. NOVEMBRIS MDLXXIX.
   AGGRESSURUS SATYRAM TERTIAM DECIMAM IUVENALIS. ORATIO XII. HABITA ROMAE ANNO MDLXXV.
   CUM ANNALES TACITI EXPLICANDOS SUSCEPISSET. ORATIO XIII. HABITA ROMAE III. NON. NOV. MDLXXX.
   SEQUITUR IN EODEM ARGUMENTO ORATIO XIV. HABITA ROMAE PRIDIE NON. NOVEMBR. MDLXXX.
   CUM PERVENISSET AD ANNALIUM LIBRUM TERTIUM. ORATIO XV. HABITA ROMAE III. NON. NOVEMBRIS MDLXXXI.
   CUM INTERPRETARI INCIPERET EPISTOLAS CICERONIS AD ATTICUM. ORATIO XVI. HABITA ROMAE NON. NOVEMBR. MDLXXXII.
   REPETITURUS LIBROS ARISTOTELIS DE MORIBUS. ORATIO XVII. HABITA ROMAE PRIDIE NON. NOVEMBR. MDLXXXIII.
   DE VIA AC RATIONE TRADENDARUM DISCIPLINARUM. ORATIO XVIII.
   AD ILLUSTRISSIMOS et REVERENDISSIMOS S. R. E. CARDINALES IPSO DIE PASCHAE CUM SUBROGANDI PONTIFICIS CAUSSA CONCLAVE INGRESSURI ESSENT. ORATIO XIX. HABITA ROMAE ANNO MDLXXXV.
   IN FUNERE HIPPOLYTI CARDINALIS ESTENSIS III. NON. DECEMB. ANNO MDLXXII. ORATIO XX.
   IN FUNERE IOANNIS EPISCOPII MILITIAE MELITENSIS MAGNI MAGISTRI. ORATIO XXI. HABITA ROMAE.

Electronic edition published by Stoa Consortium and funded by the . This text has been proofread to a degree of accuracy. It was converted to electronic form using .

M. ANTONII MURETI ORATIONES VOLUMEN ALTERUM

[ 301 ]

FRANCISCUS BENCIUS SOCIETATIS IESU SCIPIONI GONZAGAE CARDINALI S. P. D.

Quod facturus fuerat M. Antonius Muretus in edendo posteriore Volumine Orationum suarum, si adhuc viveret; quod post eius obitum fratris filius, summa spe et animi et ingenii adolescens,
Cic. Philipp. II. 18. § . 46. adolescentem summa spe et animi et ingenii praeditum. Fr.
nisi immatura morte praereptus fuisset: id mihi viri optimi tibique addictissimi, M. Antonius Lanfrancus et Ludovicus Rivaldus, ab hoc instituti heredes ad pias caussas, ut facerem, et valde quidem ex mea voluntate, persuaserunt. Tuae enim amplitudini destinatus liber exit in publicum, et velut posthuma proles te tutorem requirit: hoc profecto iustius, quo viginti abhinc annis germanum eius fratrem in tuum patrocinium accepisti; hoc confidentius, quo a tua dignitate nunc ampliore maius sperare ornamentum et praesidium meritissimo potest. Neque vero tam diu distulissemus exspectatam a multis et expetitam editionem, nisi in conquirendis orationibus, quae partim in Mureti adversariis erant dispersae, partim ab amicis fuerunt exprimendae, (etsi non repertae omnes et harum aliquot imperfectae,) multum fuisset elaborandum. Hoc dum efficimus, quadriennium effluxit.
Si hoc idem esse voluit quod praeteriit, (pro quo nunc perperam dicunt elapsum, praeterlapsum est,) non satis accurate scripsit. Aliud est enim praeteriit tempus, aliud efftuxit. cf. 277. R. Fr.
Et sequentur deinceps alia divini illius ingenii monumenta. Utinam antem, qualis tua erit tutela commendati operis, talis mea esset commendantis facultas! Ostenderem profecto, Mureti Orationes propter summam verborum elegantiam et copiam rerum pulcerrimarum tibi, viro eruditissimo politissimoque, proprie commendatas, et te propter incredibilem magnitudinem animi, gravitatem, fidem, sapienter delectum, qui earum commendationem susciperes, fuisse. Sed [ 302 ] Mureti eloquentia laudationem meam non desiderat, et laus tua ita vere accurateque est a praestantissimo oratore viroque sapientissimo in epistola ad prius Volumen expressa, ut ea adducti omnes, etiam qui te non viderunt, singulares virtutes tuas admirari ac suspicere cogantur. Quanquam mihi sunt et aliae caussae, tum communes multae cum meis sodalibus, quorum omnium eximia est erga te observantia, tum propriae aliquot meae. Tot enim extiterunt tuae erga me humanitatis argumenta tamque illustria, ut magnopere laetatus sim, extitisse tempus, quo intelligerent omnes et tu inprimis, Bencium, Mureti discipulum, hoc etiam a magistro didicisse, ut in Scipione Gonzaga Cardinale amando et colendo nemini concedat. Utriusque rei indicium erit novum hoc munus, quod tibi ut renovet memoriam mortui et declaret voluntatem superstitis, ipsum vero sub umbra tui praesidii nunquam intereat, offertur. Vale. E Collegio Romano.

[ 303 ]