Paedologia


Paedologia
By Petrus Mosellanus
Berlin Weidmann 1906

Latin Colloquia Collection Table of Contents


Petrus Mosellanus Ioanni Poliandro Lipsiae apud divum Thomam ludimagistro suo S.

Paedologia

DIALOGVS I. Caspar et Modestus de nundinis fabulantur.

DIALOGVS II. De natali celebrando, de receptis pecuniis deque bono cuiusque genio.

DIALOGVS III. De reditu in patriam, de litteris a parentibus acceptis deque missione flagitanda.

DIALOGVS IV. De conveniendo praeceptore, missione impetranda deque gratiis praeceptori agendis.

DIALOGVS V. De excipiendis scholasticis aliunde advenientibus deque Graecae litteraturae rudimentis in prima aetate addiscendis.

DIALOGVS VI. De recipiendis in disciplinam scholasticis.

DIALOGVS VII. De domicilio commodo atque incommodo deque paupertate atque opulentia scholasticorum.

DIALOGVS VIII. Andreas ac Philippus de vindemia et aucupio loquuntur

DIALOGVS IX. De auctoribus proximo semestri in schola praelegendis.

DIALOGVS X. **Complectens formulas loquendi de feriis.

DIALOGVS XI. Clemens et Remigius de die a feriis secundo, quem Martis vocant, confabulantur.

DIALOGVS XII. De nuptiis, balneis ac viscerationibus.

DIALOGVS XIII. Sixtus et Alexander de ingenii praestantia contendunt.

DIALOGVS XIV. De signo tintinnabulorum deque immodico somno.

DIALOGVS XV. Henricus et Fridericus de ludendi ratione aiunt.

DIALOGVS XVI. Iulianus et Damianus de quaestionibus commissorum, quae die Veneris in ludis exercentur.

DIALOGVS XVII. Petrus et Paulus de desiderio feriarum deque capite lavando agunt.

DIALOGVS XVIII. De canticis deque feriis divi Martini.

DIALOGVS XIX. Martinus et Valerius de ieiunii violata religione deque divae Catharinae, studiorum praesidis, numine.

DIALOGVS XX. Hippolytus et Cletus de frigoris iniuria queruntur.

DIALOGVS XXI. De feriis divi Nicolai deque creando episcopo.

DIALOGVS XXII. Iacobus et Thomas de variis spectaculis colloquuntur.

DIALOGVS XXIII. Conradus et Aegidius de ieiuniorum ratione disserunt.

DIALOGVS XXIV. Penius et Franciscus de feriis nataliciis Christi confabulantur.

DIALOGVS XXV. Brutus et Petrucius de novi anni ingressu loquuntur deque missitandis strenulis.

DIALOGVS XXVI. Valerius et Nicolaus de cereis in feriis beatae virginis gestandis agunt.

DIALOGVS XXVII. Fabianus et Franciscus de Bacchanalibus Christianorum fabulantur.

DIALOGVS XXVIII. Vitus et Severus de ieiunio deque confessione, quam vocant.

DIALOGVS XXIX.

DIALOGVS XXX. Paulus et Lucas de sanctorum communione colloquuntur.

DIALOGVS XXXI. Vrbanus et Kilianus de lustratione urbis et arvorum fabulantur.

DIALOGVS XXXII. Leopoldus et Severus de spectaculis comoediarum tragoediarumque exhibendis fabulantur.

DIALOGVS XXXIII. Basilius et Gregorius de coronis gestandis deque earum vario genere colloquuntur.

DIALOGVS XXXIV. Raphael et Servatius de feriis divi Vrbani confabulantur.

DIALOGVS XXXV ET VLTIMVS. Cornelius et Gulielmus de commodis ac molestiis variorum temporum disserunt.

DIALOGVS X. Phaedrus et aetate et eruditione maior cum fratre suo Ioanne loquitur.

DIALOGVS XXXVII ET VLTIMVS. Pandulphus, Ludimagistri magister, Hieronymus scholasticus, et Ludimagister consultant, in quam potissimum academiam studioso sit commigrandum.

Praeceptiuncula de tempore studiis impartiendo a Petro Mosellano adulescentulis disciplinae suae commissis tradita.

P. Mosellanus discipulis suis salutem.

Electronic edition published by Stoa Consortium and funded by the NSF-EU. This text has been proofread to a degree of accuracy. It was converted to electronic form using Manifest typing errors have been reformed.
 

DIALOGVS VII. De domicilio commodo atque incommodo deque paupertate atque opulentia scholasticorum.

Iosephus

Quid agitur, mi Cleanthes? Contigitne tibi commoda habitandi ratio? Aut adhuc incertis sedibus oberras?

Cleanthes

Contigit quidem habitaculum, sed eius commoditas tanta non est, quantam fore speravi, siquidem spes erat fore, ut civis alicuius beneficio una cum domicilio et victum qualemcumque nanciscerer; verum multo aliter evenit. Nam vix impetrare potui, ut pro locario statuto mihi angulus in ludo locaretur; victum vero, quando pecuniae est parum, ostiatim emendicari oportebit, nisi forte melior mihi fortuna posthac obvenerit. Tu autem felix es, mi Iosephe, cui parentes tantum sumptum suppeditare sufficiunt, quantum ad studiorum commoditatem est satis.

Iosephus

Est, diis gratia, unde haec commoda mihi parem, sed quo plura mihi sunt ad disciplinas parandas commoda, eo ipso graviori dignus essem odio, si non plus quam vestrum quispiam didicero. Attamen nec vos de mediocri studiorum vestrorum profectu desperare decet, quandoquidem constat multos humili natos loco ad haec nullis omnino fortunae dotibus adiutos ad eruditionis fastigium ascendisse. An non Democritus ille physicus ex baiulo factus est philosophus? Non Cleanthes, cuius tu nomen refers, aquis noctu hauriendis diurnum victum sibi quaesivit? Et quem Stoicum hic non aequavit? Sed et Plautus inter ipsos pistrinae molestos labores laudatissimas illas comoedias conscripsit.

Cleanthes

His et eiusmodi aliis exemplis animatus in studiis persevero : alioqui me iam pridem ad manuarium aliquod artificium transtulissem. Quamquam sunt mei ordinis plerique adulescentes in ludis magis putrescentes quam studentes adeo infelici ingenio, ut ad nullas litteras sint appositi; hi mihi nulli alii usui esse videntur in civitatibus, quam quod alios mendicos, dum eis panem praeripiunt, ex urbibus pellunt: iis ego consulerem, ut se ad aliquod aliud studium applicarent.

Iosephus

Probe dicis, mi Cleanthes; nam si omnes eiusmodi essent ingenio praediti quali tu, fovendos modis omnibus putarem. Certe, quod ad te attinet, spero prope diem tibi meliorem fore condicionem, nempe ut apud civem quempiam, cui nonnunquam inservias, omnem studiorum commoditatem sis habiturus.

Cleanthes

Vtinam Deus ita faxit!

Iosephus

Faxit; ne dubita et in hoc mea commendatione iuvabere.